دێ گهشتێن ئاسمانى د ناڤبهرا ئیران و سعوودیێ دا دهستپێكهن
گاڤ
وهزیرهكێ ئیرانێ راگههاند، داخوازهكا فهرمى ژ سعوودیێ گههشتیه وان بۆ دهستپێكرنا گهشتێن ئاسمانى یێن وهلاتیێن سعوودیێ بۆ ئیرانێ.
وهزیرێ رێكوبان و ئاڤهدانكرنا باژێرێ ئیرانێ راگههاند، داخوازهكا فهرمى ژ وهلاتێ سعوودیێ گههشتیه وهزارهتا وان كو ههفتیێ 3 گهشتێن ئاسمانى د ناڤبهرا ئیران و سعوودیێ دا بهێنهكرن ژبلى گهشتێن بهرى نها بۆ حهجێ.
مێهرداد بهدرباش راگههاند، ههردو وهلاتێن ئیران و سعوودیێ ئیرادهیا خۆ راگههاندى یه، بۆ رێككهفتنا د ناڤبهرا خۆ دا بۆ بهرقهراركرنا ئاشتى و ئاسایشێ ل دهڤهرێ، ب مهرهما بلندكرنا ئاستێ هاریكاریێ گهشتێن ئاسمانى د ناڤبهرا ههردو وهلاتان دا دێ دهستپێكهن.
وى وهزیرێ ئیرانێ پێداگرى لسهر بهێزكرنا دپلۆماسیهتا ناوچهیی ژى كر و گۆت ژى: دهستههلاتا فرۆكهڤانى یا سهر ب وهزارهتا ویڤه دێ ههمى بزاڤان كهت بۆ برێڤهبرنا گهشتێن ئاسمانى یێن د ناڤبهرا ئیران و سعوودیێ دا.