بلينكن: ئهم كار ل سهر پێكئینانا ئاگربهستهكا ههروههر ل سوودانێ دكهین
گاڤ
وهزیرێ دهرڤه یێ ئهمریكا راگههاند كو واشنتۆن و نهتهوهیێن ئێكگرتى كار ل سهر پێكئینانا ئاگربهستهكا ههروههر ل سوودانێ دكهن.
ئهنتۆنى بلینكن ئهڤرۆ پێنجشهمبیێ راگههاند، ئهمریكا بهردهوام بزاڤێن گههشتنێ ب چارهیهكێ ل سوودانێ و ڤهگوهاستنا دهستههلاتێ بۆ حكومهتهكا مهدهنى دكهت.
بلینكن هیڤیا خۆ ل دۆر گههشتنێ ب رێككهفتنهكێ بۆ راوهستاندنا شهڕى ل سوودانێ ب شێوهیێ ههروههر دیاركر.
دیار ژى كر كو واشنتۆن ب رژدى ل گهل ههردو لایهنێن شهركهڕ ل سوودانێ كار ل سهر درێژكرنا ئاگربهستێ دكهت كو ئهڤرۆ پێنجشهمبیێ ب دویماهیك دهێت پشتى 72 دهمژمێران ڤهكێشاى.
ههر ژ 15ى ڤێ ههیڤێ، شهڕ و پهڤچوون دناڤبهرا سوپایێ سوودانێ ب سهركردایهتیا عهبدولفهتاح بورهان و هێزێن پشتهڤانیا ب لهز ب سهركردایهتیا حهمیدتى دا دهستپێكرینه.
پتر ژ 500 كهسان ژ ئهنجامێ شهڕى گیانێ خۆ ژدهستداینه و پتر ژ 4 هزار كهسێن دى بریندار بووینه.