گاڤ

شەڕێ ناڤخۆ یێ سوودانێ کارتێکرن ل کۆمپانیێن کۆکا کۆلا و پێپسیێ کریە، ژبەر کو ئێک ژ پێکهاتەیێن سەرەکی یێن بەرهەمێن وان هەردو کۆمپانیان، ژێدەرێ وێ سوودانە.

بەنیشتێ عەرەبی، جۆرەکێ بەنیشتی یە کو ب داران ڤە دهێت، ئەو بەنیشت بتنێ ل دەڤەرێن کنارێن رۆژهەلاتی یێن کیشوەرێ ئەفریقیا هەیە و ل سەرتاسەری ئەفریقیا ژی ٪70 یا وی بەنیشتی ل سوودانێ یە.

هەردو کۆمپانیێن کۆکا کۆلا و پێپسی کو د بەرهەمێن خۆ دا پشتبەستنێ ل سەر بەنیشتێ عەرەبی دکەن و پشتی شەڕێ ناڤخۆ یێ سوودانێ چێبووی، بەنیشت ب رێژەیا پێدڤی و وەک بەرێ ناگەهیتە هەردو کۆمپانیان.

ئاژانسا رۆیتەرز دیار کریە: هەرچەندە کۆمپانیێن کۆکا کۆلا و پێپسی کو تێرا 6 هەیڤێن دی بەرهەم د کۆگەهێن خۆ دا هەیە، لێ گەر شەڕێ سوودانێ درێژ ببیت، هەردو کۆمپانیان دێ کورتهێنان هەبیت.