گاڤ

وه‌زاره‌تا ژێده‌رێن ئاڤی یا ئیراقێ راگه‌هاند، ئاڤا هه‌لگرتى یا ئیراقێ تێرا هاڤینێ ناكه‌ت و دڤێت توركیا ئاڤێ به‌رده‌ت دا د هاڤینێ دا به‌رهه‌مێن چاندنێ ژ ناڤ نه‌چن.

خالد شیمال، په‌یڤدارێ وه‌زاره‌تا ژێده‌رین ئاڤی بۆ ئاژانسا مه‌علومه‌ یا ئیراقى گۆت: ئاڤا هه‌لگرتى یا ئیراقێ بۆ مه‌ره‌مێن چاندنێ تێرا هاڤینا ئه‌ڤساله‌ ناكه‌ت و دڤێت دانوستاندن ل گه‌ل توركیا بهێنه‌كرن بۆ وێ یه‌كێ رێككه‌فتنی بجهـ بینیت و به‌هرا ئیراقێ ژ ئاڤێ به‌رده‌ت.

هه‌روه‌سا ئاشكراكر ژى، ئاڤا ڤه‌خوارنێ بۆ وه‌رزێ هاڤینێ ب ته‌مامى هه‌یه‌ و ئیراق تووشى كێم ئاڤیێ نابیت، ئه‌گه‌ر ژى ڤه‌گه‌ڕاندن بۆ هاتنا بارانان.

ل دۆر ئاڤا هه‌لگرتى بۆ چاندنێ ژى گۆت: ئه‌و دێ جاره‌كا دى دانوستاندنان ل گه‌ل حكومه‌تا توركیا كه‌ن بۆ وێ یه‌كێ به‌هرا ئیراقێ ژ ئاڤێ به‌رده‌ت و وه‌زاره‌ت ژى دێ ل سه‌ر بجهئینانا پلانا خۆ یا چاندنێ ب شێوه‌یه‌كی گشتى به‌رده‌وام بیت.