ئه‌حمه‌د تورك: كه‌س بێى كوردان نه‌شێت پێنگاڤێ بهاڤێت
بەلاڤ بکە
گاڤ
سیاسته‌ڤانێ دیارێ كورد ل توركیا و جیهانێ ئه‌حمه‌د تورك رادگه‌هینیت، كه‌س نه‌شێت بێى كوردان پێنگاڤان بهاڤێت.
ئه‌حمه‌د تورك، سیاسه‌تڤانی دیارێ كورد، ل مێردینا باكۆرێ كوردستانێ و د رێوره‌سمێ ناساندنا به‌ربژارێن پارتا چه‌پا سه‌وز یه‌سه‌پێ گۆتاره‌ك پێشكێشكر و راگه‌هاند، د هه‌لبژارتنان دا ئه‌و دێ سه‌ركه‌فتنه‌كا مه‌زن تۆمار كه‌ن و دێ ژ هه‌موو جاره‌كێ زێده‌تر نوونه‌ران ره‌وانه‌یى په‌ڕله‌مانى كه‌ن.
ئه‌حمه‌د تورك ده‌رباره‌یى پێگه‌هێ كوردان د هه‌لبژارتنان دا گۆت: د ڤى وه‌لاتى دا چ ئیراده‌یا سیاسى و چ كه‌س بێ كوردان نه‌شێن پێنگاڤان بهاڤێژن و هه‌ر ئالیه‌كی سیاسى و ئیراده‌یا سیاسى یا گه‌لێ كورد پشتگوهـ بێخیت دێ شكێت و د چه‌ندین هه‌لبژارتنان دا ئه‌ڤه هاتیه سه‌لماندن.
تورك گۆت ژى: زێده‌تر ژ 2 هزار سیاسه‌تڤانێن كوردان د زیندانان دانه و بۆ ئازادكرنا سیاسه‌تڤانان و هه‌موو وه‌لاتیێن د زیندانان دا پێدڤیه ل ژێر سه‌یوانا یه‌سه‌پێ و هه‌ڤپه‌یمانیا ره‌نج و ئازادیی كۆمببن و ده‌نگێن خۆ ئێك بكه‌ن.
