ئوردن، سعوودیە، مسر و ئیراق: پێدڤیە گرۆپێن چەکدار ل سووریێ نەمینن
بەلاڤ بکە
گاڤ
وەزیرێن دەرڤە یێن هەر ئێک ژ ئوردن، سعوودیە، مسر و ئیراقێ ئەڤرۆ ل عەمانا پایتەختێ ئوردنێ کۆم بوو و رەوشا سووریێ و رێکێن چارەسەریا کێشەیێن وی وەلاتی بەحس کرن.
پشتی کۆمبوونێ هەر چار وەزیران بەیانەکا هەڤپشک بەلاڤ کر و تێدا هاتیە، پێدڤیە هەڤکاری د ناڤبەرا وان وەلاتان و سووریێ دا ب سەرپەرشتیا نەتەوەیێن ئێکگرتی هەبیت ب مەرەما گەشەپێدانا ئێمناهی و بەرهنگاربوونا تیرۆرێ ب هەموو رەنگێن خۆڤە، هەروەسا پێدڤیە گرۆپێن تیرۆرستی ل ناڤا ئاخا سووریێ نەمین و شیانێن وان گرۆپان یێن تێکدانا سەقامگیریا دەڤەرێ کێم ببن.
د بەیانێ دا هاتیە ژی، دێ پشتەڤانیا سووریێ و سازیێن وێ هێتە کرن ب مەرەما سەپاندنا سەروەریێ ل سەر ئاخێ و نەهێلانا گرۆپێن چەکدار و تیرۆرستی ل وی وەلاتی، هەروەسا دێ رێک ب دەستوەردانێن دەرەکی ژی د ناڤا کاروبارێن وی وەلاتی دا هێتە گرتن ل گۆرەی قانوونێن نێڤدەولەتی.
