سهرۆك نێچیرڤان بارزانى: دخوازین پهیوهندیێن خۆ ل گهل ئهلمانیا پێشبێخین
گاڤ
سهرۆكێ ههرێما كوردستانێ ل گهل دو وهزیرێن ئهلمانى و شاندهكێ ل گهل دا كۆمبوو و راگههاند كو ههرێما كوردستانێ دخوازیت پهیوهندیێن خۆ د ههمى بواران دا ل گهل ئهلمانیا پێشبێخیت.
سهرۆك نێچیرڤان بارزانى ئهڤرۆ دوشهمبیێ پێشوازى ل شاندهكێ بلند یێ ئهلمانی كر كو ژ د. یۆخن فلاسبارس، وهزیرێ دهولهتێ بۆ ههڤكاریا ئابوورى و گهشهپێدانێ و ڤێرتنهر گاتزهر، وهزیرێ دهولهتێ بۆ كاروبارێن دارایى پێكدهات ههروهسا بالیۆزێ ئهلمانیا ل ئیراقێ و كونسۆلێ گشتى یێ ئهلمانیا ل ههولێرێ د كۆمبوونێ دا د بهرههڤ ببوون.
ل گۆرهى بهیانهكا سهرۆكاتیا ههرێمێ؛ پێشڤهبرنا پهیوهندیێن ئهلمانیا ل گهل ئیراقێ و ههرێما كوردستانێ، پهیوهندیێن ههولێر- بهغدا و رهوشا گشتى یا ئیراقێ د كۆمبوونا ههردو لایهنان دا هاتنه بهحسكرن.
شاندێ مێهڤان زێدهبارى دیاركرنا بهردهوامیا پشتهڤانیا ئهلمانیا بۆ ئیراقێ و ههرێما كوردستانێ، حهزا وهلاتێ خۆ بۆ پێشڤهبرنا پهیوهندیان ل گهل ههرێما كوردستانێ د ههمى بواران دا دوپاتكر.
سهرۆك نێچیرڤان بارزانى دوپاتكر كو ههرێما كوردستانێ دخوازیت پهیوهندێن خۆ ل گهل ئهلمانیا د ههمى بواران دا پێشڤهببهت ههروهسا بهرههڤی بۆ ههمى ئاسانكاریان بۆ كهرتێ تایبهت و وهبهرهێنانا ئهلمانى ل ههرێما كوردستانێ نیشاندا.
گوهۆڕینێن سهقاى، پێشهاتێن دهڤهرێ و چهند پرسێن دى یێن جهێ گرنگیپێدانا ههڤپشك ژ تهوهرێن دى یێن كۆمبوونێ بوون.