سه‌رۆك نێچیرڤا بارزانى و هاریكاریا وه‌زیرێ ده‌رڤه‌یێ ئه‌مریكا كۆمبوون
بەلاڤ بکە
گاڤ
نێچیرڤان بارزانى سه‌رۆكێ هه‌ریما كوردستانێ ئه‌ڤرۆ پێشه‌وازى ل خانم باربارا ليف هاریكارا وه‌زیرا ده‌رڤه‌یا ئه‌مریكا بۆ كاروبارێن رۆژهه‌لاتا نێزیك كر و دگه‌ل كۆمبوو.
د كۆمبوونێ دا كو بالیۆزێ ئه‌مریكا ل ئیراقێ و كونسۆلێ گشتى یێ ئه‌مریكا ل هه‌رێما كوردستانێ ژى ئاماده‌بوو، په‌یوه‌ندیێن ئه‌مریكا دگه‌ل ئیراقێ و هه‌رێما كوردستانێ، ده‌لیڤێن هاریكاریا هه‌ڤپشك ره‌وشا سیاسى و ئابۆریا ئیراقێ و هه‌رێما كوردستانێ و په‌یوه‌ندیێن هه‌ولێر و به‌غدایێ هاتنه باسكرن.
هه‌ر دو ئالیان رژدى ل پێگیریا خۆ كر همبه‌ر خشته و به‌رنامه‌یێ یادداشتنا لێكتێگه‌هشتنا هه‌ڤپشك دناڤبه‌را وه‌زاره‌تا پێشمه‌رگه و پنتاگۆنێ دا ل دۆر پرۆسه‌یا چاكسازیێن وه‌زاره‌تا پێشمه‌گه‌رى، هه‌روه‌سا هه‌ڤرابوون ل دۆر ئێكرێزیا ئالیێن كوردستانى و چاره‌كرنا كێشه‌یێن ناڤخۆیی یێن هه‌رێمێ، هه‌ماهه‌نگیا نها دناڤبه‌را حكومه‌تێن هه‌رێمێ و ئیراقێ ژى دا بلند هه‌لسه‌نگاند.
به‌رفره‌هكرنا هاریكاریا هه‌ڤپشك یا ئه‌مریكا دگه‌ل ئیراقێ و هه‌رێما كوردستانێ، ب تایبه‌تى د وارێ ئابۆرى دا، ئالیه‌كێ دى یێ كۆمبوونێ بوو و باس ل ده‌رفه‌تێن بهێزكرنا ئابۆرێ ئیراقێ و هه‌رێما كوردستانێ و هه‌بوونا زه‌مینه‌یا گونجاى بۆ كه‌رتێ تایبه‌ت و وه‌به‌رهێنانا ئه‌مریكى هاته كرن.
