سهرۆك نێچیرڤان بارزانى: حهیدهر فهیلى نموونهیا نیشتیمانپهروهریێ و دلسۆزیێ بوو
05/04/2023 - 17:24
گاڤ
سهرۆكێ ههرێما كوردستانێ ئهڤرۆ پێنجشهمبیێ دیاركر كو حهیدهر فهیلى نموونهیا مرۆڤهكێ نیشتیمانپهروهر و دلسۆز یێ كوردستانێ بوو.
سهرۆك نێچیرڤان بارزانى د پرسهنامهیهكێ دا سهرخۆشیێن خۆ گههاندنه خێزان و كهسوكارێن حهیدهر فهیلى كهسایهتیێ كوردستانى و وهزیرێ بهرێ یێ ڤهگوهاستن و گههاندنێ ژ بهر وهغهركرنا وى.
سهرۆكێ ههرێمێ دیاركر "حهیدهر فهیلى نموونهیا مرۆڤهكێ پاقژ، نیشتیمانپهروهر و دلسۆزێ كوردستانێ بوو".
ئاماژه دا وێ چهندێ ژى كو "فهیلى تهمهنهك د رێكا پێشمهرگایهتیێ و تێكۆشینێ بۆ ئازادیێ دا بۆراند بوو و بۆ چهند سالێن درێژ خۆ ل بهر زیندانێ، ئازاران و ئاوهریێ گرتبوو".