فره‌نسا پلانه‌ك بۆ هاندانا وه‌لاتیان بۆ هاژۆتنا پایسكلان دانا
بەلاڤ بکە
گاڤ
فره‌نسا پلانه‌ك بۆ هاندانا وه‌لاتیان بۆ هاژۆتنا پایسكلان ل جهێ ترۆمبێلان ژ بۆ پاراستنا ژینگه‌هێ دانا.
رۆژنامه‌یا لو پاریسیان ژ كلیمێنت بون وه‌زیرێ فره‌نسا بۆ كاروبارێن ئه‌ورۆپى ڤه‌گوهاستیه؛ حكومه‌تا فره‌نسا پلان دانایه كو دو ملیار یۆریان ژ سالێن 2023 تا كو 2027 بۆ پشته‌ڤانیێ ل هاژۆتنا پایسكلان ل جهێ ترۆمبێلان ته‌رخان بكه‌ت.
پلان دێ ب رێكا به‌رفره‌هكرنا تۆرا جادده‌یێن پایسكلان ب دو جاركى بیت و دێ حكومه‌تا فره‌نسا سالانه 250 ملیۆن یۆرۆیان بۆ ڤێ چه‌ندێ ته‌رخان كه‌ت و دێ بودجه‌یا مایى ژ بۆ هنده‌ك رێكارێن دى بۆ هاندانا وه‌لاتیان بۆ بكارئینانا پایسكلان بیت.
بون دیار ژى كر كو بزاڤێن ده‌وله‌تێ د بیاڤێ هاندانێ بۆ هاژۆتنا پایسكلان دا د به‌رده‌وامن.
گۆت ژى "حكومه‌تێ دڤێت پایسكلان بكه‌ته پێگوهۆڕێ ترۆمبێلان و ببیته ئالاڤه‌كێ ڤه‌گوهاستنێ یێ به‌رده‌ست بۆ هه‌میان د درێژیا ژیێ وان دا".
ئه‌ڤ پلانه د چارچووڤه‌یێ بزاڤێن وه‌لاتێن ئه‌ورۆپى دایه بۆ كێمكرنا ده‌ردانا CO2 كو ژ به‌رى نوكه وه‌لاتێن ئه‌ورۆپى گه‌هشتبوونه رێككه‌فتنه‌كێ ژ بۆ قه‌ده‌غه‌كرنا فرۆشتنا ترۆمبێلێن ب به‌نزینێ و دیزلێ كار دكه‌ن هه‌ر ژ سالا 2035 و ل دویڤ دا.
