ئافاد: زێدهتر ژ 33 هزار ئهردههژان ل توركیا دایه
05/07/2023 - 10:41
گاڤ
سهرۆكاتیا كارهساتێن بلهز و هاوارهاتنا توركیا (ئافاد)ێ راگههاند، پشتى ئهردههژێن مهرهشێ 33 هزار و 77 ئهردههژان ل توركیا دایه.
ل سپێدههیا 6-2-2023یێ و ل دهمژمێر 4:17خۆلهك و ل 12:43 خۆلهكى نیڤرۆ دو ئهرههژان ب هێزا 7.7 و 7.6 پلهیێن رێكخهر ل مهرهشا باكۆرێ كوردستانێ دا و ل یازده پارێزگههێن توركیا و باكۆرێ كوردستانێ و ههروهسا رۆژئاڤا و ههرێما كوردستانێ ههست پێ هاتهكرن.
ئهڤرۆ ئێكشهمبێ 7-5-2023یێ سهرۆكاتیا كارهساتێن بلهز و هاوارهاتنا توركیا (ئافاد)ێ راگههاند، 33 هزار و 77 ئهردههژان پشتى ههر دو ئهردههژێن مهرهشێ ل توركیا و باكۆرێ كوردستانێ دایه.
ههروهسا ئاشكراكر، ئهو ب بهردهوامى چاڤدێریا چالاكیێن ئهردههژیانێ ل سهرانسهرى وهلاتى دكهن.