نێچیرڤان بارزانى: پشتى 20 سالێن ئازادیا ئیراقێ دڤێت مفا ژ شاشیان بهێته دیتن
گاڤ
سهرۆكێ ههرێما كوردستانێ رادگههینیت، پشتى بۆرینا بیست سالان ل سهر ئازادیا ئیراقێ پێدڤیه مفا ژ شاشیێن بۆرى بهێته دیتن.
ئهڤرۆ ل ههولێرێ نێچیرڤان بارزانى، سهرۆكێ ههرێما كوردستانێ ل گهل شاندهكێ كولیژا بهرگریا نشتیمانى یا سهر ب زانكۆیا بهرگرى بۆ خواندنا بلندا سهربازى كۆمبوو كو سازیهكا زانستى و مهشق و راهێنانیه و سهر ب وهزارهتا بهرگریا ئیراقێ ڤهیه و قوتابیێن وێ ژ پلهدار، سهرباز، بهرپرس، شیرهتكار، رێڤهبرێن وهزارهتان و سازیێن حكومهتێ پێك دهێن و د وارێ بهرگریێ دا باوهرنامهیان ب دهستڤهدئینن.
دكۆمبوونێ دا سهرۆك نێچیرڤان بارزانى زێدهبارى دهربڕینا خۆشحالیێ بسهردانا شاندى بۆ ههرێما كوردستانێ گرنگیدان ب پهیوهندیێن ناڤبهرا سازی و سازیێن وارێ بهرگریێ و سهربازى و ههموو وارێن دى ل ههموو ئیراقێ ب ههرێما كوردستانێ ڤه ب گرنگ ل قهلهم دا و ههروهسا پهیرهو و پرۆگرامێ خواندنێ ل زانكۆیێ و پشك و كولیژێن وێ ل سهربنهمایێ نشتیمانى و زانستیانه ب پێدڤى و ئهرێنى ههلسهنگاندن.
ههروهسا دوپاتكر، پشتى بیست سالێن ئازادی یا ئیراقێ دڤێت مفا ژ شاشیێن بۆرى بهێته وهرگرتن و ب رووانگههـ و بهرنامهیهكێ رۆهن و ههڤپشك بهێته كۆمكرن و پێنگاڤێن باشتر بهرهف پاشهرۆژێ ب هاڤێتن و ههموو پێكهاتێن ئیراقێ پێكڤه د ب رێڤهبرن و ئاڤاكرنا وهلاتى دا پشكدار و ههڤپشكن.
ژ ئالیێ خۆڤه شاندى خۆشحالیا خۆ ب سهرهدانی و پێشكهفتنا ل ههرێما كوردستانێ دهربڕى و ههروهسا سوپاسیا رۆل و گۆتار و دیتنا نشتیمانى یا سهرۆكێ ههرێما كوردستانێ ل سهر ئاستێ ئیراقێ ب گشتى كر.