گۆڕەکێ دی یێ ب کۆم ل شنگالێ هاتە دیتن
گاڤ- شنگال
گۆڕەکێ دی یێ ب کۆم یێ قۆربانیێن دهستێ داعشێ ل شنگالێ هاتە دیتن.
خەیری عەلی ئیبراهیم، سەرۆکێ رێکخراوا پەتریکۆر یا مافێن مرۆڤی بۆ گاڤ راگەهاند، ئەڤرۆ ئەو ژ لایێ پۆلیسان ڤە هاتنە ئاگەهدارکرن ب دیاربوونا گۆرەکێ بکۆم كو د دەمێ کارکرنا کۆمپانیەکێ بۆ ئاڤاکرنا قوتابخانەیەکێ دا ل تاخێ ئازادی یێ سەنتەرێ هەرێمداریا شنگالێ ئەو گۆڕە لبەر دەڤێ شوفەلەکێ دەرکەفتیە.
ناڤهاتی ئاماژە دا وێ چەندێ ژی، د ناڤ وى گۆڕی دا روفاتێن چەندین کەسان تێدا بوون و هندەک ژ وان یێن هاتینە ناسکرن زارۆک و ژنێن ب تەمەن یێن شیعەیێن شنگالێ نە و یێن دی ژی هەژمارا وان هێشتا نەهاتیە زانین ژبەر کو ل دەمێ کاركرنا وێ کۆمپانیێ دا هندەک ژ روفاتان هاتبوونە تێکدان.
دیار ژی کر؛ ئەو روفاتە یێن وان کەسانە ئهوێن ل سالا 2014 ژ لایێ داعشێ كۆمكوژی ل سهر هاتیهكرن و گۆت ژی: مە هەمی زانیاری پێشكێشى رێڤەبەریا کاروبارێن پاراستنا گۆڕێن بکۆم یا دەزگەهێ شەهیدان یێ ئیراقێ كرینه دا كو دویڤچوونێ بۆ بكهن.
ل گۆرهی ئاماران، هەتا نوکە نزیکی 40 گۆڕێن بکۆم یێن قۆربانیێن دەستێ داعشێ ل شنگالێ هاتینە دیتن و هەلدان ، پتری 50 گۆڕێن دی ژی ماینە هێشتا نەهاتینە هەلدان.