ئەمریکا: ئەنجامێن هەلبژارتنێن تورکیا کارتێکرنێ ل پەیوەندیێن مە ناکەن
05/09/2023 - 12:15
بەلاڤ بکە
گاڤ
وەزارەتا دەرڤە یا ئەمریکا هەلوەستێ وی وەلاتی دەربارەی هەلبژارتنێن تورکیا راگەهاند و دیار کر: هەر حکومەت و دەستهەلاتەکا گەلێ تورکیا بهەلبژێریت، ئەو دێ سەرەدەریێ ل گەل کەن.
ڤیدانت پاتێل، جێگرێ پەیڤدارێ وەزارەتا دەرڤە یا ئەمریکا د کۆنگرەیەکێ رۆژنامەڤانی دا و د بەرسڤا پرسیارا رۆژنامەڤانەکی دا کو پرسییە "ئەرێ ئەنجامێن هەلبژارتنێن 14 گولانێ یێن سەرۆکاتی و پەرلەمانێ تورکیا دێ کارتێکرن ل سەر پەیوەندیێن واشنتون و ئەنقەرە هەبیت؟" گۆت: نەخێر کارتێکرن نابیت و هەر حکومەتەکا ژ ئالیێ گەلێ تورکیا ڤە بهێتە هەلبژارتن، ئەمریکا دێ ل گەل کار کەت.
پاتێلی هەروەسا دوپات کر: تورکیا بۆ ئەمریکا و ناتۆیێ هەڤپەیمانەکا گرنگە و ئەو دێ ل سەر بزاڤێن کویرکرن و پێشڤەبرنا پەیوەندیان بەردەوام بن.
