گاڤ

سەرۆکێ بەرێ یێ ئەمریکا نامەیەک بۆ سەرۆک بارزانی هنارت و تێدا داخوازا هەڤدیتنەکێ ژ سەرۆک بارزانی کر.

جۆرج دەبلیۆ بۆش، سەرۆکێ پێشتر یێ ئەمریکا ب هەلکەفتا ڤەکرنا مۆزەخانەیا بارزانیێ نەمر نامەیەک ئاراستەی سەرۆک بارزانی کر و د نامێ دا نڤیسیە: مەلا مستەفا بارزانی خەباتەکا مەزن کریە و تە وەک کوڕێ وی بەردەوامی دایە وێ خەباتێ و پشتی کەفتنا رژێما سەددام حسێنی تە بەرپەڕەکێ نوی ل گەل ئیراقێ ڤەکر و ئێک ژ نێزیکترین هەڤپەیمانێن ئەمریکا بووی.

جۆرج دەبلیۆ بۆشی د نامەیا خۆ دا دیار ژی کریە: جهێ شانازیێ بوو کو ل سەردەمێ سەرۆکاتیا خۆ ل کۆچکا سپی پێشوازی ل سەرۆک بارزانی کری و نوکە ژی دخوازیت پێشوازیێ لێ بکەتە ڤە، لێ ڤێ جارێ ل ویلایەتا تێکساس کو وارگەهێ جۆرج بۆشی یە.