گاڤ

بۆ جارا ئێكێ د دیرۆكێ دا توركیا دی چیته‌ گه‌ڕا دویێ یا هه‌لبژارتنێن سه‌رۆكاتیا كۆمارێ و ئه‌گه‌ر ژى ڤه‌دگه‌ڕن چ ژ به‌ربژاران ده‌نگێن پێدڤى ب ده‌ستڤه‌ نه‌ئیناینه‌.

ل گۆره‌ى ئه‌نجامێن به‌راهیێ كو 95%ێ هاتینه‌ ڤاڤارتن، ره‌جه‌ب ته‌یب ئه‌ردۆگان، به‌ربژاری هه‌ڤپه‌یمانیا جمهوور، كلچدار ئۆغلۆ، به‌ربژارێ هه‌ڤپه‌یمانیا میلله‌ت و سینان ئۆغان، به‌ربژارێ هه‌ڤپه‌یمانیا ئاتا ده‌نگێن پێدڤى كو دڤێت 50 + 1 بیت ب ده‌ستڤه‌ نه‌ئیناینه‌ و ئه‌ڤ یه‌كه‌ ژى دێ توركیا به‌ره‌ف گه‌ڕا دویێ یا هه‌لبژارتنان به‌ت.

كه‌مال كلچدار ئۆغلۆ، به‌ربژاری هه‌ڤپه‌یمانیا میلله‌ت و هه‌ڤڕكی سه‌ره‌كى یێ ره‌جه‌ب ته‌یب ئه‌ردۆگان، به‌ربژارێ هه‌ڤپه‌مانیا جمهوور گۆت: بریارا گه‌لى بۆ گه‌ڕا دووێ یا هه‌لبژارتنان جهێ قه‌بوولكرنێ یه‌ و دیاركر، ئه‌ردۆگانى ئه‌و ب ده‌ستڤه‌نه‌ئینا یا بانگه‌شه‌ بۆ دكر كو دێ د گه‌ڕا ئیكێ دا سه‌ركه‌ڤیت.