نویترین پێشهاتێن رهوشا سیاسى ل توركیا هاتنه بهحسكرن
05/15/2023 - 20:08
گاڤ
سهرۆك بارزانى و سیاسهتمهدارهك و كهسایهتیهكێ دیار یێ كورد رهوشا توركیا و نویترین پێشهاتێن وێ بهحسكرن.
سهرۆك بارزانى ئهڤرۆ دوشهمبیێ ل سهلاحهدین پێشوازى ل هاشم هاشمى كهسایهتى و سیاسهتمهدارێ دیار یێ كورد و پهرلهمانتارێ بهرێ یێ توركیا كر.
بارهگایێ بارزانى بهلاڤكریه؛ د دیدارهكێ دا دناڤبهرا ههردو لایهنان دا، رهوشا سیاسى ل توركیا و دویماهیك پێشهاتێن وێ هاتنه بهحسكرن.
ههروهسا د دیدارێ دا تهكهزى ل سهر پهیوهندى و دوستایهتیێ دناڤبهرا ههردو لایهنان دا هاته كرن.
دوهى ئێكشهمبیێ ههلبژارتنێن سهرۆككۆمارێ توركیا و پهرلهمانێ توركیا برێڤهچووبوون و ل 28ى ڤێ ههیڤێ دێ گهڕا دوێ ژ ههلبژارتنێن سهرۆككۆمارێ توركیا دناڤبهرا رهجهب تهیب ئهردۆگان و كلیچدار ئوغلۆى دا برێڤهچیت.