سهرۆكێ ئۆكراینا دێ چیته سعوودیێ و ژاپۆنێ
گاڤ
سهرۆكێ ئۆكراینا دێ پشكداریێ د دو گۆپیتكا دا كهت كو ئێك ژ وان كۆمبوونا كۆمكارا ئهرهبى یه و یا دى ژى كۆمبوونا گرۆپێ حهفته.
ئاژانسا بلۆمبێرگ راگههاند، بۆ پشكداریكرن د گۆپتیكا كۆمكارا ئهرهبى دا ڤۆلۆدیمێر زێلێنسكى، سهرۆكێ ئۆكراینا دێ سهرا سعوودیێ دهت و ههروهسا ل ژاپۆنێ ژى دێ پشكداریێ د گۆپیتكا حهفت دا كهت.
ئهڤرۆ ئهینیێ 19-5-2023یێ كارێن گۆپیتكا حهفت دێ دهستپێكهن و گۆپتیك ب ئامادهبوونا سهرۆكێ ژاپۆن، ئهمریكا، بریتانیا، فرهنسا. ئهلمانیا، ئیتالیا و كهنهدا دێ ل هیرۆشیما ل ژاپۆنێ هێتهكرن.
ههر ئهڤرۆ ل جهددهیا سعوودیێ دێ دهستبكارێن كۆمكارا ئهرهبى ژى هێتهكرن كو بۆ جارا ئێكێ یه پشتى قهیرانێن سووریا، بشار ئهسهد، سهرۆكێ سووریا پشكداریێ د كۆمبوونێن كۆمكارا ئهرهبى دا دكهت.
زێلێنسكى ب فڕۆكهیهكا سهربازى یا ئهمریكى دێ چیته ژاپۆنێ و دێ پشكداریێ د گۆپیتكا حهفت دا كهت و بۆ دهمهكێ كورت ژى دی ل سعوودیێ مینیت.