حكومهتا ههرێمی: تا 15-7 یێ تهكسیا خۆ لۆگۆ نهكهت دێ هێته سزادان
گاڤ
حكومهتا ههرێمێ دوماهى ژڤان دا شوفێرێن تهكسیان و راگههاند، تا 15-7 یێ تهكسیا خۆ لۆگۆ نهكهت دێ هێته سزادان و سزا ژى دێ دارایى بیت.
د ئاگههداریهكێ دا وهزارهتا ناڤخۆ یا حكومهتا ههرێما كوردستانێ ههموو شوفێرێن تهكسیان ئاگههداركرینه كو ههر كهسهكێ تا 15-7 تهكسیا خۆ لۆگۆ نهكهت دێ ب كوژمێن دراڤى هێته سزادان و گۆت: ئهو كارمهنێن ل كهرتێن گشتى مهدهنى و سهربازى یێن مووچهیێن وان ژ ملیۆن دیناران كێمتر دشێت ب شێوهیهكێ ئاسایى و پشتى دهواما خۆ یا فهرمى شوفڕیێ بكهت.
ل گۆرى رێنمایێن وهزارهتێ دڤێت كارتا زانیاریان یا شوفێڕى د ناڤا تهكسیێ دا بیت كو تایبهته ب وان ڤه و ل رێڤهبهریا ڤهگوهاستنێ بۆ وان دهێته دروستكرن و پشتى 15-7 دهستههلات دێ ب رێڤهبهران هێته دان و هه تهكسیهكا نهلۆگۆكرى بیت دێ ب 400 هزار دیناران هێته سزادان.
ههروهسا ئاشكراكریه، ههر شوفیرهكێ تهكسیی د ههیاما مهههكێ دا وى پارهیى نهدهت یان ژى سهرپێچیێ د دهستكاریكرنا لۆگۆیى و كارتا زانیاریان دا بكهت دێ سزایێ وى دو بهرامبهر زێده بیت.
رێنمایێن نوو دیاردكهن، تهكسیێن ناڤ باژێڕى نابیت ل هێلێن دهرڤه كار بكهن و تهكسیێن دهرڤه ژى نهشێن ل ناڤا باژێڕى كار بكهت.