گاڤ

هێزێن ڤاگنه‌ر یێن رۆسى ئه‌ڤرۆ شه‌مبیێ كونترۆلكرنا باژێرێ باخمۆت یێ ئۆكراینى راگه‌هاند و ئۆكراینا ئه‌ڤ چه‌نده‌ ره‌تكر و دیاركر كو شه‌ڕ ل وى باژێڕى به‌رده‌وامه‌.
باخمۆت ئێك ژ باژێڕێن رۆژهه‌لاتێ ئۆكراینایه‌ و دكه‌ڤیته‌ هه‌رێما و بۆ ده‌مێ چه‌ندین هه‌یڤانه‌ شه‌ڕ و په‌ڤچوون دناڤبه‌را هێزێن ڤاگنه‌ر یێن رۆسى و هێزێن ئۆكراینى دا ل وى باژێڕى به‌رده‌وامن.
یێڤگینى پریگۆژین سه‌رۆكێ گرۆپێ ڤاگنه‌ر یێ رۆسى ئه‌ڤرۆ شه‌مبیێ راگه‌هاند كو هێزێن وان باژێڕێ باخمۆت كونترۆلكرینه‌.
د به‌رانبه‌ر دا، په‌یڤدارێ ب ناڤێ ئۆپه‌راسیۆنێن رۆژهه‌لاتى یێن سوپایێ ئۆكراینا ره‌تكر كو هێزێن رۆسى ئه‌و باژێڕه‌ كونترۆل كربیت و دیاركر "شه‌ڕ ل باژێڕى به‌رده‌وامه‌".
ئاماژه‌ دا وێ چه‌ندێ ژى؛ ڤاگنه‌ر باژێڕێ باخمۆت وه‌ك ئارمانجا سه‌ره‌كى ددانیت و ژماره‌یه‌كا یه‌كه‌یێن تایبه‌ت ره‌وانه‌ى وێ كرینه‌.
گۆت ژى: 92 سه‌ربازێن رۆسى د رۆژه‌كێ دا ل باخمۆت هاتینه‌ كۆشتن و 156 سه‌ربازێن دى بریندار بووینه‌.