ئیراقێ هاوردهكرنا ژمارهیهكا بهرههمێن خوارنێ راوهستاند
گاڤ
ئیراقێ بڕیارا راگرتنا هاوردهكرنا ژمارهیهكا بهرههمێن چاندنێ دا ژ وان ژى باجانسۆرك و پتات و پیڤازن.
جڤاتا وهزارى یا ئابوورى یا ئیراقێ ئهڤرۆ دوشهمبیێ بڕیارا راوهستاندنا هاوردهكرنا ژمارهیهكا بهرههمێن چاندنێ ژ بهر ههبوونا رێژهیهكا باش ژێ ژ بهرههمێ ناڤخۆیى دا.
ئهحمهد سهحاف پهیڤدارێ وهزارهتا دهرڤه راگههاند؛ د. فوئاد حسێن جێگرێ سهرۆكوهزیرێ ئیراقێ و وهزیرێ دهرڤه ئهڤرۆ سهركێشیا كۆمبوونا 15ێ یا جڤاتا وهزارى یا ئابوورى ب بهرههڤبوونا وهزیرێ چاندنێ كر و تێدا جڤاتێ ل سهر داخوازیا وهزیرى بڕیارا راگرتنا هاوردهكرنا ژمارهیهكا بهرههمێن چاندنێ دا ژ بهر ههبوونا رێژهیا پێدڤى ژێ ژ بهرههمێ ناڤخۆیى بۆ تێركرنا پێدڤیاتیێن بازارێ ناڤخۆیى دا.
د كۆمبوونێ دا بڕیارا راوهستاندنا هاوردهكرنا باجانسۆرك، پتات، خیار، پیڤاز، كولند، باجانرهشك، شتى و بامیا تا دهمهكێ نهدهستنیشانكرى هاته دان.