گاڤ – تایبه‌ت

رێڤه‌به‌رێ بازرگانیا ده‌خلودانى ل پارێزگه‌ها دهۆكێ بۆ گاڤ راگه‌هاند، بتنێ 27%ێ یا گه‌نمێ جۆتیارێن پارێزگه‌ها دهۆكێ دێ هێته‌ وه‌رگرتن و پتریا وى گه‌نمى دێ ل ئه‌ردى مینیت.

نازم محه‌مه‌د، رێڤه‌به‌رێ بازرگانیا ده‌خلودانى ل پارێزگه‌ها دهۆكێ بۆ گاڤ گۆت: ل هه‌ر سێ سایلۆیێن شێخان، فه‌یدیێ و زاخۆ ده‌ست ب وه‌رگرتنا گه‌نمى هاته‌كرن و هاتبوو خواستن ئیراق 382 هزار ته‌نێن گه‌نمى وه‌رگریت، لێ ئیراقێ وه‌ك هه‌ر جار سته‌م ل جۆتیارێن هه‌رێما كوردستانێ و پارێزگه‌ها دهۆكێ كریه‌ و بتنێ دێ 100 هزار ته‌نان وه‌رگریت.

هه‌روه‌سا ئاشكراكر، ئیراقێ وه‌رگرتنا گه‌نمى ڤه‌گه‌ڕاندى یه‌ سه‌ر سیسته‌مێ دو سالێن بۆرى و ب رێژه‌یا 27%ێ دێ گه‌نمێ جۆتیارێن پارێزگه‌ها دهۆكێ هێته‌كرن و 73%ێ ژى ژ وى گه‌نمى وه‌رناگریت و ئه‌و گه‌نم دێ مینته‌ ل ئه‌ردى.

نازم محه‌مه‌د، داخواز ژى كر به‌هرا پارێزگه‌ها دهۆكێ ژ وه‌رگرتنا گه‌نمى بهێته‌ زێده‌كرن و ئه‌گه‌ر نه‌هێته‌ زێده‌كرن دێ زیانه‌كا مه‌زن ب جۆتیارێن پارێزگه‌ها دهۆكێ.

https://www.facebook.com/gavtvnetwork/videos/788487286003722