ئهڤرۆ توركیا دێ سهرۆكهكێ نوو ههلبژێریت
گاڤ
گهڕا دووێ یا ههلبژارتنێن توركیا ئهڤرۆ دهستپێكر، سندۆقێن دهنگدانێ ل دهمژێر ههشتى سپێدێ هاتنه ڤهكرن، توركیا ئهڤرۆ دێ سهرۆكهكێ نوو ههلبژێریت.
د گهڕا ئێكێ یا ههلبژارتنان دا چ ژ سێ بهربژارێن توركیا دهنگێن پێدڤى كو 50+1%ێ نه، ب دهستڤهنهئینان و ههلبژارتنێن سهرۆكاتیێ چوونه گهڕا دووێ.
ئهڤرۆ سپێدێ 28-5-2023یێ وهلاتیێن توركیا ل سهر سندۆقێن دهنگدانێ دێ سهرۆكهكێ نوو ههلبژێرن، بهربژار رهجهب تهیب ئهردۆگان، كهمال كلچدار ئۆغلۆ ئهڤرۆ دێ ئێك لابن و ئێك دێ وهلاتى ب رێڤه بهت.
دهێته چاڤهڕێكرن ههر ئهڤرۆ 98%ێ یا سندۆقێن دهنگدانێ بهێنه ڤاڤارتن و پشتى 48 دهمژمێران دهستهیا بلندا ههلبژارتنان ل توركیا دێ ئهنجامێن دوماهیێ راگههینیت.
د گهڕا دووێ یا ههلبژارتنێن سهرۆكاتیا توركیا دا 64 ملیۆن و 163 هزار و 899 كهسان مافێ دهنگدانێ ههیه، 49 هزار و 958 كهسان ژى بۆ جارا ئێكێ دهنگی خۆ دایه و 53 هزار و 172 كهسان د ناڤا زیندانان دا دهنگێ خۆ دایه.
د گهڕا ئێكێ یا ههلبژارتنێن تركیا دا كو ل 14ى ڤێ ههیڤێ هاتنه كرن چو ژ بهربژاران نهشیان ئاستهنگا 50% دهرباز بكهن، ههلبژارتن چوونه دگهڕا دووێ.
د گهڕا ئێكێ دا چار بهربژار ههبوون كو ئێك ژ وان (موحهرهم ئینجه) بهرى ههلبژارتنان خۆ ژ ههڤڕكیێ ڤهكێشا، ل گۆرهى كۆمسیۆنێ رێژهیا پشكداریێ د ههلبژارتنان دا، 87.4% بوو، ئهنجام ب ڤى رهنگى بوون:
- رەجەب تەیب ئەردۆغان ٤٩.٥٢٪
- کەمال کلیچدارئۆغلۆ ٤٤.٨٨٪
- سینان ئۆغان ٥.١٧٪
- موحەڕەم ئینجە ٠.٤٣٪
پشتى گهڕا ئێكێ یا ههلبژاتنان سینان ئۆغان ژى د بهرژهوهندیا بهربژارێ ههڤپهیمانیا كۆمار و سهرۆك كۆمارێ نها رهجهب تهیب ئهردۆگانى دا خۆ ڤهكێشا و نها ههڤڕكى دناڤبهرا وى و بهربژارێ ههڤپهیمانیا مللهت یا ئۆپۆزسیۆنێ كهمال كلچدارئوغلۆى دا یه.