سه‌رۆك بارزانى و بزاڤا ئیسلامى كۆمبوون
05/28/2023 - 14:24
بەلاڤ بکە
گاڤ
سه‌رۆك بارزانى ل گه‌ل شانده‌كێ بلندێ بزاڤا ئیسلامى ل هه‌رێما كوردستانێ كۆمبوو، ره‌وشا سیاسى یا ناڤخۆ و ده‌رڤه به‌حسكرینه.
باره‌گه‌هێ بارزانى به‌لاڤكریه، ئه‌ڤرۆ ئێك شه‌مبێ 28-5-2023یێ سه‌رۆك مه‌سعوود بارزانى، ل پیرمام پێشوازى ل شانده‌كێ بلندێ بزاڤا ئیسلامى ل هه‌رێما كوردستانێ كر، شاندا بزاڤا ئیسلامى ب سه‌رۆكاتیا عیرفان عه‌لى، رابه‌رێ گشتى یێ بزاڤێ بوو.
ل گۆرى راگه‌هاندنا باره‌گه‌هێ بارزانى، د دیدرارێ دا دوماهى پێشهاتێن سیاسى یێن ئیراقێ و ناوچێ، په‌یوه‌ندیێن ناڤبه‌را حكومه‌تێن هه‌رێم و فیدرال هاتنه به‌حسكرن.
هه‌روه‌سا دیاركریه، ره‌وشا سیاسى یا ناڤخۆ و پێدڤیا كرنا هه‌لبژارتنان و ده‌ستكرن ب بها و پره‌نسیپێن بلند و ئه‌و بابه‌تێن ره‌هندێن نشتیمانى هه‌ین خستن به‌ر دانوستاندنێ.
