به‌رپرسه‌كێ ئیراقى ب ساله‌كێ هاته حوكمكرن
بەلاڤ بکە
گاڤ
ده‌سته‌یا ده‌ستپاكیێ یا ئیراقێ راگه‌هاند كو سه‌رۆكێ به‌رێ یێ ده‌سته‌یا وه‌به‌رهێنانێ یا به‌غدا ب ساله‌كێ هاته حوكمكرن.
هه‌روه‌سا زێده‌بارى سزایێ به‌ندكرنێ، ئه‌و به‌رپرسه ب پتر ژ دو ملیار دیناران وه‌ك سزایێ دارایى هاته سزادان.
رێڤه‌به‌ریا لێكۆلینان یا ده‌سته‌یا ده‌ستپاكیێ راگه‌هاند "دادگه‌ها تاوانان یا به‌رسینگگرتنا گه‌نده‌لیێ یا ناڤه‌ندى حوكمێ به‌ندكرنێ بۆ ساله‌كێ ل سه‌ر سه‌رۆكێ به‌رێ یێ ده‌سته‌یا وه‌به‌رهێنانێ یا به‌غدا ژ به‌ر پشكداریا وى ل گه‌ل هنده‌ك تۆمه‌تبارێن دى بۆ كڕینا خانوبه‌ران ل ئێك ژ تاخێن به‌غدا و تۆماركرنا وان ب ناڤێن خۆ سه‌پاند".
دیار ژى كریه كو "زێده‌بارى حوكمێ به‌ندكرنێ، ئه‌و به‌رپرسه ب 2 ملیار و 14 ملیۆن دینارێن ئیراقى ژى هاته سزادان".
رێڤه‌به‌ریێ ئاماژه ب وێ چه‌ندێ ژى كریه كو پشتى دویڤچوونا وان بۆ به‌لگه‌یێن كه‌یسێ، ئه‌و گه‌هشتنه راستیا كه‌مته‌رخه‌میا تۆمه‌تبارى له‌وا حوكم ل سه‌ر وى سه‌پاند.
