گاڤ

وه‌زیرێ ده‌رڤه‌ وه‌ك نوینه‌رێ ئیراقێ دێ پشكداریێ د رێوره‌سمێن دانانا ئه‌ردۆگانى وه‌ك سه‌رۆككۆمارێ توركیا دا كه‌ت.

ئه‌حمه‌د سه‌حاف په‌یڤدارێ وه‌زاره‌تا ده‌رڤه‌ راگه‌هاند؛ د. فوئاد حسێن جێگرێ سه‌رۆكوه‌زیرى و وه‌زیرێ ده‌رڤه‌ وه‌ك نوینه‌رێ ئیراقێ دێ سوبه‌هى شه‌مبیێ پشكداریێ د رێوره‌سمێن دانانا ره‌جه‌ب ته‌یب ئه‌ردۆگان وه‌ك سه‌رۆككۆمارێ توركیا دا كه‌ت.

نه‌كێمتر ژ 20 سه‌رۆكێن وه‌لاتان و 45 وه‌زیر ژ وه‌لاتێن جودا جودا دێ پشكداریێ د رێوره‌سمان دا كه‌ن.

سه‌رۆكاتیا هه‌رێما كوردستانێ ژى ژ ژبه‌رى نوكه‌ راگه‌هاند بوو كو نێچیرڤان بارزانى سه‌رۆكێ هه‌رێما كوردستانێ دێ پشكداریێ د رێوره‌سمان دا كه‌ت.

ئه‌ردۆگان د هه‌لبژارتنێن گه‌ڕا دوێ یێن سه‌رۆككۆمارێ توركیا دا ل سه‌ر كیستێ كه‌مال كلیچدار ئوغلۆى بسه‌ركه‌فتبوو و بۆ پێنج سالێن دى دێ وه‌ك سه‌رۆككۆمارێ توركیا مینیت.