كۆمبوونا پهرلهمانێ ئیراقێ ل دۆر بودجهى هاته راوهستاندن
گاڤ
كۆمبوونا پهرلهمانێ ئیراقێ ل دۆر پرۆژهیاسایا بودجهیا گشتى ب بڕیارا سهرۆكاتیا پهرلهمانى هاته راوهستاندن.
ژێدهرهكێ ژ پهرلهمانێ ئیراقێ بۆ گاڤ دیاركر؛ كۆمبوونا پهرلهمانى ل دۆر بودجهى ب بڕیارا سهرۆكاتیا پهرلهمانى ب شێوهیهكێ دهمكى هاته راوهستاندن.
خۆیا ژى كر؛ تا نوكه ژڤانێ دوباره دهستپێكرنا روینشتنێ دیار نهبوویه.
ئاماژه ب وێ چهندێ ژى كر كو "فراكسیۆنێن سیاسى بهرهڤ كۆمبوونێن دهرڤهى هۆلا پهرلهمانى بۆ رێككهفتنێ ل سهر هندهك بڕگهیێن بودجهیێ ڤه چووینه".
ئهڤه د دهمهكێ دایه كو بهرى نزیكى دهمژمێرهكێ روینشتنا پهرلهمانى بۆ تهمامكرنا دهنگدانێ ل سهر بڕگه و ماددهیێن مایى ژ پرۆژهیاسایا بودجهیا ئیراقێ بۆ سالێن 2023، 2024 و 2025 دهستپێكربوو.
پهرلهمانێ ئیراقێ تا نوكه 6 مادده ژ بودجهیێ پهسهند كرینه و چاڤهرێ یه د روینشتنا ئهڤ شهڤه دا هندهك ماددهیێن دى ژى پهسهند بكهت.