په‌رله‌مانێ ئیراقێ ده‌نگ ل سه‌ر 4 مادده‌یێن نوى دا و ده‌نگدان ل سه‌ر 5 مادده‌یان پاشئێخست
06/10/2023 - 01:40
بەلاڤ بکە
گاڤ
په‌رله‌مانێ ئیراقێ ده‌نگ ل سه‌ر چار مادده‌یێن نوى دا ژ پرۆژه‌یاسایا بودجه‌یێ و ده‌نگدان ل سه‌ر پێنج مادده‌یان پاشئێخست.
په‌رله‌مانێ ئیراقێ د به‌یانه‌كێ دا به‌رى ده‌مه‌كێ كێم راگه‌هاند؛ ده‌نگدان ل سه‌ر مادده‌یێن 18، 19 و 20 هاته كرن.
هه‌روه‌سا ل دویڤ دا ده‌نگ ل سه‌ر مادده‌یێ 21 ژى هاته دان.
به‌یانا په‌رله‌مانى دیار ژى كر؛ ده‌نگدان ل سه‌ر مادده‌یێن 14، 15، 16 و 17 هاته پاشئێخستن.
هه‌روه‌سا ده‌نگدان به‌رى ده‌مه‌كێ كێم ل سه‌ر مادده‌یا 22 ژى هاته پاشئێخستن.
په‌رله‌مانێ ئیراقێ ئه‌ڤرۆ ئه‌ینیێ روینشتنا ده‌نگدانێ ل سه‌ر پرۆژه‌یاسایا بودجه‌یا گشتى بۆ سالێن 2023، 2024 و 2025 به‌رده‌وامكر.
روینشتنا په‌رله‌مانێ تا نوكه به‌رده‌وامه و دهێته چاڤه‌رێكرن ده‌نگ ل سه‌ر هنده‌ك بڕگه و مادده‌یێن دى ژى بهێته دان.
