گاڤ

ئیراق د حه‌فتیا بۆرى دا ل رێزا سیێ د هنارده‌كرنا په‌ترۆلێ دا بۆ ئه‌مریكا ب تێكرایێ رۆژانه‌ یێ 430 هزار به‌رمیلان هات.

كارگێریا داتایێن وزه‌یێ یا ئه‌مریكى ئه‌ڤرۆ شه‌مبیێ دیاركر؛ هنارده‌كرنا په‌ترۆلا ئیراقێ بۆ ئه‌مریكا د حه‌فتیا بۆرى دا زێده‌ بوویه‌ و بوویه‌ وه‌لاتێ سیێ پشتى كه‌نه‌دا و مه‌كسیكێ د هنارده‌كرنا په‌ترۆلێ دا بۆ ئه‌مریكا.

ئه‌مریكا د حه‌فتیا بۆرى دا رۆژانه وه‌ك تێكرا‌ 5 ملیۆن و 297 هزار به‌رمیلێن په‌ترۆلێ هاورده‌ كرینه‌.

ئیراقێ د حه‌فتیا بۆرى دا رۆژانه‌ وه‌ك تێكرا 430 هزار به‌رمیلێن په‌ترۆلێ هنارده‌ى ئه‌مریكا كرینه‌ ب زێده‌بوونا ب رادده‌یێ 282 هزار به‌رمیلان ژ حه‌فتیا به‌رى وێ كو تێدا تێكرایێ رۆژانه‌ 148 هزار به‌رمیل بوون.