گاڤ

په‌رله‌مانێ ئیراقێ به‌رى ده‌مه‌كێ كێم مادده‌یا 14 ژ بودجه‌یا ئیراقێ په‌سه‌ندكر.

په‌رله‌مانێ ئیراقێ د روینشتنا ئه‌ڤ شه‌ڤه‌ دا ب به‌رهه‌ڤبوونا 241 په‌رله‌مانتارات ده‌نگ ل سه‌ر مادده‌یا 14 یا گرێداى هه‌رێما كوردستانێ ژ پرۆژه‌یاسایا بودجه‌یا گشتى دا و په‌سه‌ندكر.

په‌رله‌مانێ ئیراقێ د دو رۆژێن بۆرى دا مادده‌یێن 1، 2، 3، 5، 6، 7، 8، 9، 10، 11، 12، 13، 18، 19، 20، 21، 23 و 24 ژ بودجه‌ى په‌سه‌ندكربوون هه‌روه‌سا بڕیارا لادانا مادده‌یێن 4 و 22 ژ پرۆژه‌یاسایا بودجه‌یا گشتى یا ئیراقێ بۆ سالێن 2023، 2024 و 2025 دابوو.

د روینشتنا ئه‌ڤ شه‌ڤه‌ ژى دا، مادده‌یا 14 یا گرێداى هه‌رێما كوردستانێ په‌سه‌ندكر پشتى ژ به‌رى نوكه‌ هه‌ردو مادده‌یێن 12 و 13 ژى یێن گرێداى هه‌رێما كوردستانێ په‌سه‌ندكرین.

دهێته‌ چاڤه‌رێكرن د كۆمبوونا ئه‌ڤ شه‌ڤه‌ دا ده‌نگ ل سه‌ر هنده‌ك بڕگه‌ و مادده‌یێن دى ژى ژ بودجه‌ى بهێته‌ دان.