سه‌رۆك نێچیرڤان بارزانى داخوازا پێشڤه‌برنا په‌یوه‌ندیان ل گه‌ل قه‌ته‌رێ دكه‌ت
بەلاڤ بکە
گاڤ
سه‌رۆكێ هه‌رێما كوردستانێ هه‌ڤدیتنه‌ك ل به‌غدا ل گه‌ل میرێ قه‌ته‌رێ ئه‌نجامدا و تێدا داخوازا پێشڤه‌برنا په‌یوه‌ندیێن دوقولى كر.
سه‌رۆك نێچیرڤان بارزانى به‌رى ده‌مه‌كێ كێم ل به‌غدا هه‌ڤدیتنه‌ك ل گه‌ل شێخ ته‌میم بن حه‌مه‌د ئال سانى میرێ قه‌ته‌رێ ئه‌نجامدا و تێدا داخوازا پێشڤه‌برنا په‌یوه‌ندیان دناڤبه‌را هه‌رێما كوردستانێ و ئیراقێ و قه‌ته‌رێ دا كر.
سه‌رۆك نێچیرڤان بارزانى د تویته‌كێ دا راگه‌هاند "جهێ خۆشحالیێ یه مه هه‌ڤدیتن ل گه‌ل شێخ ته‌میم بن حه‌مه‌د ئال سانى میرێ قه‌ته‌رێ ئه‌ڤ شه‌ڤه ل به‌غدا ل گه‌ل هه‌ر ئێك ژ محه‌مه‌د شیاع سوودانى سه‌رۆكوه‌زیرێ ئیراقێ، محه‌مه‌د حه‌لبووسى سه‌رۆكێ په‌رله‌مانى و خه‌میس خه‌نجه‌ر ئه‌نجامدا".
د تویتێ دا هاتیه ژى "سه‌ره‌دانا شێخ ته‌میمى بۆ ئیراقێ ده‌ربڕینێ ژ پێشڤه‌چوونا په‌یوه‌ندیان دكه‌ت، ئه‌م كار ل سه‌ر پێشڤه‌برنا په‌یوه‌ندیان دناڤبه‌را هه‌رێما كوردستانێ و ئیراقێ و قه‌ته‌رێ دا دكه‌ین".
ميری قه‌ته‌رێ د ده‌مه‌كێ دى دا ژ ئه‌ڤرۆ پێنجشه‌مبیێ گه‌هشبوو به‌غدا و ل گه‌ل محه‌مه‌د شیاع سوودانى سه‌رۆكوه‌زیرێ ئیراقێ كۆمببوو.
ئۆفیسا سه‌رۆكوه‌زیرێ ئیراقێ راگه‌هاندیه كو جارنامه‌یه‌كا نیازێن هه‌ڤپشك و ژماره‌یه‌كا رێككه‌فتن و لێكتێگه‌هشتنان دناڤبه‌را ئیراقێ و قه‌ته‌رێ دا هاتنه ئیمزاكرن.
