سهرۆك نێچیرڤان بارزانى پشكدارى د مێهڤانداریهكا شیڤخوارنێ یا سهرۆكوهزیرێ ئیراقێ دا كر
گاڤ
سهرۆكاتیا ههرێما كوردستانێ راگههاند كو سهرۆك نێچیرڤان بارزانى پشكدارى د مێهڤانداریهكا شیڤخوارنێ یا سهرۆكوهزیرێ ئیراقێ یا بۆ میرێ قهتهرێ هاتیه رێكخستن دا كر.
د بهیانهكا سهرۆكاتیێ دا هاتیه "نێچیرڤان بارزانى سهرۆكێ ههرێما كوردستانێ ئهڤرۆ پێنجشهمبیێ ل سهر داخوازنامهیا محهمهد شیاع سوودانى سهرۆكوهزیرێ ئیراقێ پشكدارى د شیڤخوارنهكێ دا ل بهغدا كو ژ بۆ شێخ تهمیم بن حهمهد ئال سانى میرێ قهتهرێ د دویماهیكا سهرهدانا وى یا ئهڤرۆ دا بۆ بهغدا هاتیه رێكخستن، كر".
تێدا هاتیه ژى "د پهراوێزا شیڤخوارنێ دا كو محهمهد حهلبووسى سهرۆكێ پهرلهمانێ ئیراقێ و ژمارهیهكا بهرپرسێن قهتهرى و ئیراقى تێدا بهرههڤ ببوون، سهرۆك نێچیرڤان بارزانى بیروبۆچوون ل دۆر ژمارهیهكا بابهتێن گرێداى رهوشا دهڤهرێ و جهێ گرنگیپێدانا ههڤپشك ل گهل سهرۆكوهزیرێ ئیراقێ، میرێ قهتهرێ و سهرۆكێ پهرلهمانێ ئیراقێ لێكگوهۆڕین".
سهرۆك نێچیرڤان بارزانى بهرى دهمهكێ د تویتهكێ دا تهكهزى ل سهر پێشڤهبرنا پهیوهندیێن دناڤبهرا ههرێما كوردستانێ و ئیراقێ و قهتهرێ دا كربوو.
ميری قهتهرێ د دهمهكێ دى دا ژ ئهڤرۆ پێنجشهمبیێ گههشبوو بهغدا و ل گهل محهمهد شیاع سوودانى سهرۆكوهزیرێ ئیراقێ كۆمببوو و ئۆفیسا سهرۆكوهزیرێ ئیراقێ راگههاند بوو كو جارنامهیهكا نیازێن ههڤپشك و ژمارهیهكا رێككهفتن و لێكتێگههشتنان دناڤبهرا ئیراقێ و قهتهرێ دا هاتنه ئیمزاكرن.