ل پارێزگه‌ها دهۆكێ دووه‌م حاله‌تێ تایا خوینبه‌ربوونێ هاته تۆماركرن
بەلاڤ بکە
گاڤ
ل سنۆرێ پاریزگه‌ها دهۆكێ دووه‌م حاله‌تێ تایا خوینبه‌ربوونێ هاته تۆماركرن، لێ ره‌وشا نه‌خۆشى باشه و بۆ مال هاتیه ره‌وانه‌كرن.
ساخله‌میا ئاكرێ تۆماركرنا ئێكه‌م حاله‌تێ تووشبوونا تایا خوینبه‌ربوونێ ل سنۆرێ ده‌ڤه‌رداریی راگه‌هاند و دیاركر، ره‌وشا نه‌خۆشى باشه و نه‌خۆشخانه بجهـ هێلایه.
ئێكه‌م حاله‌تێ نه‌خۆشیا تایا خوینبه‌ربوونێ ل پارێزگه‌ها دهۆكێ هاتیه تۆماركرن كه‌سه‌كێ 27 سالى بوو و خه‌لكێ باشیكێ بوو و كارێ وى ژى ئاژه‌لدارى بوو و ب وێ نه‌خۆشیێ ژیانا خۆ ژ ده‌ست دا.
نێچیرڤان هه‌ركى، په‌یڤدارێ پۆلیسێن ئاكری راگه‌هاند، كه‌سه‌كێ 55 سالى ل سنۆرێ ناوچه‌یا دینارتێ كو به‌رى چه‌ند رۆژان پشكنینا وى بۆ به‌غدایێ هاتیه ره‌وانه‌كرن و دوهى ئه‌نجامێن وی ڤه‌گه‌ڕیاینه و دیاربوویه نه‌خۆش تووشى تایا خوینبه‌ربوونێ بوویه.
هه‌روه‌سا دیاركر، نوكه ره‌وشا وى نه‌خۆشى باشه و نه‌خۆشخانه بجهـ هێلایه و بۆ مال هاتیه ره‌وانه‌كرن و ب به‌رده‌وامى چاڤدێریا وى دهیته كرن.
