حكومهتێ پاره بۆ هاتنوچوونا قوتابیێن شنگالێ یێن ل دهۆكێ ئهزموونان دكهن خهرجكرن
گاڤ
مهسروور بارزانى، سهرۆكێ حكومهتا ههرێما كوردستانێ زێدهتر ژ 82 ملیۆن دیناران بۆ هاتنوچوونا قوتابیێن شنگالێ تهرخانكر.
وهزارهتا پهروهردهیا حكومهتا ههرێما كوردستانی راگههاند، مهسروور بارزانى، سهرۆكێ حكومهتا ههرێما كوردستانێ وهك پشتهڤانیا قوتابیێن شنگالێ یێن ئهزموونێن پۆلا 12ى ئامادهیى كو ل دهۆكێ ئهزموونان دكهن، 82 ملیۆن و پێنجى هزار دینار بۆ هاتنوچوونێن وان خهرجكرن
ل گۆرى وهزارهتا پهروهرهدهیا ههرێمێ ژى ژ وێ پشتهڤانیا دارایى یا سهرۆكوهزیر 745 قوتابیێن پۆلا 12ى ئامادهیى دێ مفادارن.
ههروهسا دیاركریه، بۆ ههر قوتابیهكێ ههموو ئهزموونان ل پارێزگهها دهۆكێ بكهت دێ 120 هزار دیناران وهرگرن و ههر قوتابیهكی ئێك دو بابهت ههبن دێ 50 هزار دیناران وهرگرن و ل دهستپێكا حهفتیا بهێت ئهو هاریكاریێن سهرۆكێ حكومهتێ دێ هێنه خهرجكرن.