گاڤ – تایبه‌ت

بۆ به‌لاڤكرنا مووچه‌یێ مه‌ها 5 یێ فه‌رمانبه‌رێن هه‌رێما كوردستانێ بانك پشتى نیڤرۆ ژى دێ د ڤه‌كرى بن و به‌رى جه‌ژنێ مووچه‌ هه‌موو دێ هێنه‌ به‌لاڤكرن.

هونه‌ر جه‌مال، په‌یڤدارێ وه‌زاره‌تا دارایى و ئابۆرى یا هه‌رێما كوردستانێ بۆ گاڤ گۆت: پرۆسه‌یا به‌لاڤكرنا مووچه‌یان به‌رده‌وامه‌ و ئه‌ڤرۆ 18 ده‌سته‌ و وه‌زاره‌ت دێ مووچه‌یێ مه‌ها پێنج وه‌رگرن.

ئاشكراكر ژى، ل هه‌ر بانكه‌كا گه‌له‌ك فه‌رمانبه‌ر لێ هه‌بن، دێ ده‌واما فه‌رمانبه‌ران هێته‌ درێژكرن و تا ئێك فه‌رمانبه‌ر ژى مابیت ده‌رگه‌هێن بانكان دێ د ڤه‌كرى بن و تا پشتى نیڤرۆ ژى به‌لاڤكرنا مووچه‌یى دێ به‌رده‌وام بیت.

هه‌روه‌سا گۆت ژى: ئێڤارى ژى ئه‌گه‌ر پێدڤى كر بانكین هه‌رێما كوردستانێ بۆ به‌لاڤكرنا مووچه‌یێ فه‌رمانبه‌ران دێ د ڤه‌كرى بن بۆ وێ یه‌كێ هه‌موو فه‌رمانبه‌ر به‌رى جه‌ژنێ مووچه‌یێن خۆ وه‌رگرن.