كۆمبوونا سه‌رۆك نێچيرڤان بارزانى و شيره‌تكارێ ئه‌لمانيا ده‌ستپێكر
بەلاڤ بکە
گاڤ
كۆمبوونا سه‌رۆكێ هه‌رێما كوردستانێ و شيره‌تكارى ئه‌لمانيا به‌رى ده‌مه‌كێ كێم ده‌ستپێكر و تێدا پێشڤه‌برنا په‌يوه‌نديێن هه‌رێمێ ل گه‌ل ئه‌لمانيا و هاريكارێن ئه‌لمانيا بۆ هه‌رێمێ و ژماره‌يه‌كا بابه‌تان دهێته به‌حسكرن.
كۆمبوونا سه‌رۆك نێچيرڤان بارزانى د چارچووڤه‌يێ سه‌ره‌دانا وى دا بۆ ئه‌لمانيا ل گه‌ل ئۆلاف شۆلتز شيره‌تكارێ ئه‌لمانيا ل به‌رلينێ ده‌ستپێكر.
د كۆمبوونێ دا ژماره‌يه‌كا ته‌وه‌ران وه‌كى پێشڤه‌برنا په‌يوه‌نديێن دوقولى دناڤبه‌را هه‌رێما كوردستانێ و ئه‌لمانيا دا، هاريكاريێن ئه‌لمانيا بۆ هه‌رێمێ، ره‌وشا هه‌رێما كوردستانێ و ئيراقێ و چه‌ندين ته‌وه‌رێن جهێ گرنگيپێدانا هه‌ڤپشك دهێنه به‌حسكرن.
سه‌رۆك نێچيرڤان بارزانى هه‌ر د ئه‌ڤرۆ دا د چارچووڤه‌يێ سه‌ره‌دانێ دا بۆ ئه‌لمانيا، ژماره‌يه‌كا كۆمبوونان ل گه‌ل به‌رپرسێن بلند يێن ئه‌لمانى ئه‌نجامدابوون.
سه‌رۆكێ هه‌رێمێ ل گه‌ل هه‌ر ئێك ژ فرانسيسكا برانتنه‌ر سكرتێرا ده‌وله‌تێ ل وه‌زاره‌تا ئابوورى يا ئه‌لمانيا، تۆبياس ليندنه‌ر وه‌زيرێ ده‌وله‌تێ يێ ئه‌لمانيا بۆ كاروبارێن ده‌رڤه و سڤينيا شۆلتز وه‌زيرا هاريكاريا ئابوورى و گه‌شه‌پێدانا ئه‌لمانيا كۆمببوو.
د وان كۆمبوونان دا، پێشڤه‌برنا په‌يوه‌نديێن هه‌رێما كوردستانێ و ئه‌لمانيا، هاريكاريێن ئه‌لمانيا بۆ هه‌رێمێ، ره‌وشا ئيراقێ و هه‌رێما كوردستانێ و ده‌ڤه‌رێ و ژماره‌يه‌كا ته‌وه‌رێن جهێ گرنگپيپێدانا هه‌ڤپشك هاتبوونه به‌حسكرن.
