ئیران دێ 4 زیندانیێن سیاسى راده‌ستى هه‌رێمێ كه‌ت
06/27/2023 - 19:04
بەلاڤ بکە
گاڤ
به‌رپرسه‌كێ حكومه‌تا هه‌رێما كوردستانێ ئاشكركر، ئه‌ڤرۆ كۆمارا ئیسلامیا ئیرانێ دێ 4 زیندانیێن سیاسى ب رێكا ده‌رگه‌هێ سنورى یێ حاجى عومران، راده‌ستى هه‌رێمێ كه‌ت.
عه‌بدوللا ئاكره‌یی به‌رپرسێ په‌یوه‌ندیێن هه‌رێما كوردستانێ ل ئیرانێ راگه‌هاند، 4 وه‌لاتیێن هه‌رێمێ ساله‌ك و 4 هه‌یڤن ل ئیرانێ هاتینه زیندانكرن، بڕیاره ئه‌ڤرۆ بۆ هه‌رێمێ بهێنه راده‌ستكرن.
ئاكره‌یی دا زانین ژى، ئه‌و وه‌لاتیێن هه‌رێمێ ب تۆمه‌تێن سیاسى هاتبوونه ده‌سته‌سه‌ركرن و زیندانكرن و دێ ب بڕیاره‌كا سیاسى هێنه ئازادكرن ژى.
گۆت ژى، كه‌سوكارێن وان وه‌لاتیان ب رێكا به‌رپرسێن هه‌رێمێ چه‌ندین جاران داخوازا ئازادكرنا مرۆڤێن خۆ كربوو، لێ ب به‌هانه‌یێن جودا جودا، ئیرانێ راده‌ستكرنا وان گیرۆ دكر.
