سهرهدانا سهرۆك نێچیرڤان بارزانى بۆ ئهلمانیا بۆچى یا گرنگ بوو؟
گاڤ
سهرۆك نێچیرڤان بارزانى د سهرهدانا خۆ دا بۆ ئهلمانیا هژمارهكا دیدارێن گرنگ سازدان، شارهزایهكا پهیوهندیێن نێڤدهولهتى ژى دبێژیت، ئهو سهرهدان و پشتهڤانیا ئهلمانیا بۆ ههرێما كوردستانێ گهلهك گرنگه.
سهرۆك نێچیرڤان بارزانى دوهى دوشهمبیێ د سهرهدانهكا فهرمى دا گههشته ئهلمانیا دگهل هژماركا مهزنه بهرپرسێن وى ئۆلاف شۆلتز شیرهتكارێ ئهلمانیا كۆمبوو، ههردو ئالیان پهیوهندیێن ئهلمانیا ل گهل ئیراقێ و ههرێما كوردستانێ، رهوشا ئیراقێ و ههرێما كوردستانێ، پهیوهندیێن ههولێر و بهغدا، ئالنگاری و گهف و مهترسیێن ل ههمبهر ئیراقێ بهحسكرن.
ئاشنا بابان، شارهزایا پهیوهندیێن نێڤدهولهتى راگههاند، سهرهدانا نێچیرڤان بارزانى بۆ ئهلمانیا بۆ نها یا ههرێما كوردستانێ گهلهك گرنگه. ب تایبهتى ئهڤ سهرهدانه پشتى چهندین رویدانێن دى دهێت كو ههڤكێشهیێن جیهانێ گوهۆڕینه وهكى شهڕێ رۆسیا و ئۆكراینا و قهیران و كێشهیێن ئابۆرى یێن ئهورۆپا و گرنگیا ههرێما كوردستانێ لسهر نهخشهیا وزهیا جیهانێ.
بابان دیار دكهت ژى، پشتى رویدانێن دهڤهرێ، ئهلمانیا دێ پێدڤى ب غازێ ههبیت و د سهرهدانان دا دێ رێككهفتنێن سیاسى و ئابۆرى هێنه كرن، د ڤى واریدا سهرهدانا نێچیرڤان بارزانى و پشتهڤانیا ئهلمانیا بۆ ههریما كوردستانێ گهلهك گرنگه كو نها ب ههمى رهنگان رێگرى دهیته كرن ههرێم مفاى ژ دهولهمهندیا خۆ د وارێ پترۆل و غازێ دا وهرنهگریت.
وێ شرۆڤهكارا سیاسى د چهندین وارێن دى دا باس ل گرنگیا پشتهڤانیا ئهلمانیا بۆ ههرێما كوردستانێ كر وهكى رۆلێ ئهلمانیا د پشتهڤانیكرنا هێزێن پێشمهرگهى و وهبهرهێنانا كۆمپانیێن ئهلمانى ل ههرێمێ و رهخساندنا زهمالێن خواندنێ بۆ قوتابیێن ههرێمێ.