ئەڤسالە 4 ملیۆن گەشتیار هاتینە هەرێما کوردستانێ
06/29/2023 - 17:26
گاڤ
دەستەیا گەشتوگۆزارێ یا هەرێما کوردستانێ ئەڤرۆ ئامارا هاتنا گەشتیاران د شەش هەیڤێن دەستپێکێ یێن ئەڤسالە دا بەلاڤ کر.
ئەمەل جەلال، سەرۆکا دەستەیا گەشتوگۆزارێ یا هەرێما کوردستانێ د بەیانەکێ دا راگەهاند؛ هەر دەستپێکا ئەڤسالە و تا ئەڤرۆ، 4 ملیۆن گەشتیار ب رێکێن دەرگەهێن سنۆری و فرۆکەخانەیان هاتینە هەرێما کوردستانێ.
هەروەسا گۆت: پلانا دەستەیا وان یا دومدرێژ بۆ هەشت سالان یا بەرهەڤە و ئارمانجا وان ئەوە سالانە وێ ژمارا گەشتیاران زێدە بکەن ب رێکا پرۆژەیێن نوی یێن گەشتیاری بۆ کێشانا سەرنجا گەشتیاران.
سەرۆکا دەستەیا گەشتوگۆزارێ دا زانین ژی کو ئەو نوکە کار ل سەر تەمامکرنا 76 پرۆژەیێن گەشتیاری دکەن ل سەرانسەری هەرێما کوردستانێ داکو بشێن کەرتێ گەشتیاری وەک شونگرەک بۆ وزێ بدانن.