ئیراقێ د ههیڤا خزیرانێ دا ب بهایێ 7.1 ملیار دۆلاران پهترۆل فرۆشتیه
07/01/2023 - 18:32
گاڤ
وهزارهتا پهترۆلێ یا ئیراقێ ب پشتبهستن ب ئامارێن كۆمپانیا سومۆ ئاماژه دا وێ چهندێ كو ئیراقێ د ههیڤا خزیرانا بۆرى دا ب بهایێ پتر ژ 7 ملیار دۆلاران پهترۆل فرۆشتیه.
د بهیانهكا وهزارهتێ ئهڤرۆ شهمبیێ دا هاتیه؛ ئیراقێ د ههیڤا خزیرانێ دا 100 ملیۆن و 59 هزار و 52 بهرمیلێن پهترۆلێ فرۆشتینه.
دیار ژى كریه؛ داهاتێ ئیراقێ ژ فرۆشتنا پهترۆلێ د وێ ههیڤێ دا 7.115 ملیار دۆلار بوون.
ئاماژه دایه وێ چهندێ ژى كو تێكرایێ رۆژانه یێ بهرههمئینانا پهترۆلێ 3 ملیۆن و 335 هزار بهرمیل بوون و تێكرایێ بهایێ بهرمیلهكێ 71.11 دۆلار بوون.