په‌رله‌مانێ ئیراقێ دێ خواندنا ئێكێ بۆ ژماره‌یه‌كا پرۆژه‌یاسایان ئه‌نجامده‌ت
بەلاڤ بکە
گاڤ
روینشتنێن وه‌رزێ یاسادانانێ یێ نوى یێ په‌رله‌مانێ ئیراقێ دێ ل شه‌مبی و دوشه‌مبیا بهێت ده‌ستپێكه‌ن و تێدا دێ په‌رله‌مان خواندنا ئێكێ بۆ ژماره‌یه‌كا پرۆژه‌یاسایان ئه‌نجامده‌ت.
د به‌یانه‌كا په‌رله‌مانێ ئیراقێ دا هاتیه؛ ل رۆژا شه‌مبیا بهێت رێكه‌فتى 15/7/2023 دێ په‌رله‌مانێ ئیراقێ خواندنا ئێكێ بۆ ژماره‌یه‌كا پرۆژه‌یاسایان ئه‌نجامده‌ت وه‌كى: پرۆژه‌یاسایا هه‌مواركرنا ئێكێ بۆ یاسایا سندۆقا ئاكنجیكرنێ، پرۆژه‌یاسایا هه‌مواركرنا نه‌هێ بۆ یاسایا وه‌زاره‌تا خواندن بلند و لێكۆلینێن زانستى، پرۆژه‌یاسایا هه‌مواركرنا یاسایا چوونا ئیراقێ بۆ دناڤ رێككه‌فتنا نێڤده‌وله‌تى یا هێلێن عومباركرنێ یا سالا 1966 دا هه‌روه‌سا پرۆژه‌یاسایا په‌ژراندنا په‌سه‌ندكرنا دناڤبه‌را حكومه‌تێن ئیراقێ و ئه‌رمینیا دا بۆ لێبۆرینا هه‌لگرێن پاسپۆرتێن دپلۆماسى ژ پێدڤیاتیێ ب ڤیزه‌یێ.
هه‌روه‌سا ل رۆژا دوشه‌مبیێ رێكه‌فتى 17/7/2023 دێ خواندنا ئێكێ بۆ ژماره‌یه‌كا دى یا پرۆژه‌یاسان ده‌ستپێكه‌ت وه‌كى: پرۆژه‌یاسایا هه‌مواركرنا ئێكێ بۆ یاسایا ده‌سته‌یا سكالایێن مولكیه‌تێ، پرۆژه‌یاسایا ده‌زگه‌هێ هه‌والگیریا نیشتیمانى، پرۆژه‌یاسایا رویبرویبوونا تیرۆرێ و پرۆژه‌یاسایا په‌سه‌ندكرنا رێككه‌فتنا لێبۆرینا هه‌لگرێن پاسپۆرتێن دپلۆماسى ژ پێدڤیاتیێ ب ڤیزه‌یێ دناڤبه‌را ئیراقێ و رۆسیا دا.
