ئهردۆگان: ملیۆن پهنابهرێن سوورى ل توركیا ڤهگهڕیانهڤه بۆ وهلاتێ خۆ
بەلاڤ بکە
گاڤ
سهرۆككۆمارێ توركیا راگههاند كو ملیۆن پهنابهرێن سوورى ل توركیا جارهكا دى بۆ وهلاتێ خۆ ڤهگهڕیان.
رهجهب تهیب ئهردۆگان د داخۆیانیهكا میدیایى دا پشتى ڤهگهڕیانێ ژ سهرهدانهكێ بۆ كهنداڤێ عهرهبى و باكۆرێ قوبرسێ دیاركر كو ملیۆن پهنابهرێن سوورى د دهمێ بۆرى دا ڤهگهڕیاینهڤه بۆ وهلاتێ خۆ و پێشبینیا زێدهبوونا ژمارهیێ د قووناغا بهێت دا كر.
سهرۆككۆمارێ توركیا ب دروستى ئهو دهمه دیارنهكر یێ تێدا ملیۆن سوورى ڤهگهڕیاینهڤه.
ئهردۆگان خۆیا ژى كر "قهتهر پشتهڤانیێ ل پرۆژهیێ توركیا یێ ئاڤاكرنا یهكهیێن ئاكنجیبوونێ ل باكۆرێ سووریا ژ بۆ ڤهحهواندنا نزیكى ملیۆن كهسێن سوورى دكهت".
گۆت ژى "پرۆسێسا ئاڤاكرنا یهكهیێن ئاكنجیبوونێ بهردهوامه و نزیكى 100 هزار تا 150 هزار خانى/شوقه یێن ئاكنجیبوونێ د بهرههڤن".
سهرۆككۆمارێ توركیا د پرۆپاگێندهیا ههلبژارتنێن سهرۆكایهتی و پهرلهمانێ توركيا ل ههیڤا گۆلانێ یا بۆرى پلانا ئاڤاكرنا یهكهیێن ئاكنجیبوونێ یێن نوى بۆ ملیۆن كهسێن سوورى ب پشتهڤانیا ماددى یا قهتهرێ راگههاند بوو.
