گاڤ ناڤه‌رۆكا رێككه‌فتنا هه‌ولێر و به‌غدا به‌لاڤ دكه‌ت
بەلاڤ بکە
گاڤ – تایبه‌ت
گاڤ ناڤه‌رۆكا رێككه‌فتنا د ناڤبه‌را حكومه‌تێن هه‌رێما كوردستانی و ئیراقێ دا به‌لاڤ دكه‌ت و رادگه‌هینیت، تا هه‌رێم خالێن ریككه‌فتنێ بجهـ دئینیت ئیراق دێ ل گۆره‌یى بودجه‌یا 2023 ێ هه‌رێمێ پاره‌دار كه‌ت.
ل گۆره‌یى رێككه‌فتنا د ناڤبه‌را هه‌ر دو حكومه‌تان دا، حكومه‌تا هه‌رێما كوردستانێ هاتیه پابه‌ندكرن پاره‌یێ كۆمپانیێن په‌ترۆلێ بده‌ت ئه‌وێن ل كه‌رتێ په‌ترۆلا هه‌رێما كوردستانێ كار دكه‌ن لسه‌ر بنه‌مایێ وى بهایێ په‌ترۆلا ئیراقێ پێ دهێته به‌رهه‌مئینان و كۆمپانیێن نه‌فتى یێن وه‌زاره‌تا په‌ترۆلا ئیراقێ دێ كارى پێ كه‌ن.
د رێككه‌فتنێ دا هاتیه، هه‌رێما كوردستانێ دێ داهاتێ نه‌په‌ترۆلى ئێخیته سه‌ر هه‌ژماره‌كا وه‌زاره‌تا دارایى یا ئیراقێ و ئیراق دێ هه‌یڤانه 50%ێ ژ وى داهاتى بۆ هه‌رێمێ ره‌وانه‌كه‌ت.
هه‌روه‌سا دیاركریه، لژنه‌یه‌كا هه‌ڤپشك بۆ لێكۆلینێ ل داهاتێ نه په‌ترۆلى دێ هێته پێكئینان بۆ وێ یه‌كێ بهێته زانین چه‌ند داهات دێ بۆ هه‌رێمێ ڤه‌گه‌ڕیت و چه‌ند دێ بۆ خه‌زینه‌یا ئیراقێ چیت.
رێككه‌فتنا هه‌ولێر و به‌غدایێ دیاركریه، هه‌رێم دێ پابه‌ند بیت ب خالێن ل سه‌رى و وه‌زاره‌تا دارایى دێ هه‌رێما كوردستانێ ل گۆره‌یى قانوونا بوجه‌یا ئیراقێ پاره‌داركه‌ت هه‌رده‌ما هه‌رێم پابه‌ند بیت ب ڤان خالان.
