گاڤ

جڤاتا بلندا دادوه‌رى ل ئیراقێ راگه‌هاند، مه‌زنترین تۆڕا بازرگانیكرن ب مادده‌یێن هشبه‌ر ل پارێزگه‌ها دهۆكێ هاته‌ گرتن كو زێده‌تر ژ 200 هزار حه‌بكێن كه‌پتاگۆن ل گه‌ل بوون.

جڤاتا بلندا دادوه‌ری یا ئیراقێ راگه‌هاند، مه‌ز‌نترین تۆڕا بازرگانیكرن ب مادده‌یێن هشبه‌ر ل سنۆرێ پارێزگه‌ها دهۆكێ هاتیه‌ ده‌سته‌سه‌ركرن و ئاشكراكر، 236 هزار و 476 حه‌بكێن ژ جۆرێ كه‌پتاگۆن ل گه‌ل بوون.

هه‌روه‌سا دیاركریه‌، دادگه‌ها ئێكێ یا لێكۆلینان ل كه‌ره‌خ بڕیاره‌كا دادوه‌رى ده‌ركریه‌ كو ژ ئالیێ رێڤه‌به‌ریا گشتى یا كاروبارێن مادده‌یێن هۆشبه‌ر هاتیه‌ بجهئینان.

دادگه‌ها لێكۆلینان ئاشكراكریه‌، هێزه‌كا دژه‌ مادده‌یێن هشبه‌ر ب سه‌رپه‌رشتیا دادگه‌ها لێكۆلینێن كه‌ره‌خ ئۆپه‌راسیۆنه‌كا تایبه‌ت ب هه‌ڤكارى ل گه‌ل كۆنترۆلا مادده‌یێن هشبه‌ر یا هه‌ولێرێ ل  پارێزگه‌ها دهۆكێ كرینه‌ و د ئه‌نجام دا بازرگانه‌كێ مادده‌یێن هشبه‌ر هاتیه‌ ده‌سته‌سه‌ركرن و دادگه‌هێ ئه‌و ب مه‌ترسیدار بۆ سه‌ر كۆمه‌لگه‌هێ ناڤكریه‌.

دایه‌زانین، ئه‌ندامێن وێ تۆڕێ 236 هزار و 476 حه‌بكێن كه‌پتاگۆن ل گه‌ل بوون و هه‌وره‌سا 35.755 كیلۆگرامێن مادده‌یێ ئه‌فیۆنى و نوكه‌ رێكارێن قانوونى یێن پێدڤى هه‌مبه‌رى وان گرتینه‌ به‌ر و دێ ب دادگه‌هێ هێنه‌ راده‌ستكرن.