نڤیسه‌ر و ره‌وشه‌نبیرێ كورد عەبدولکەریم شێخانی وه‌غه‌را دویماهیێ كر
08/12/2023 - 10:58
بەلاڤ بکە
سپێده‌هیا ئه‌ڤرۆ نڤیسه‌ر و ره‌وشه‌نبیرێ كورد یێ ناسیار عەبدولکەریم شێخانی د ژیێ 70 سالیێ دا ل هه‌ولێرێ وه‌غه‌را دویماهێ كر و هه‌ر ئه‌ڤرۆ دێ ل هه‌ولێرێ هێته ڤه‌شارتن.
عەبدولکەریم شێخانی، ل سالا 1933ێ ل باژێرێ كۆیێ ژ دایكبوویه، قوتابخانه‌یا سه‌ره‌تایی و ناڤه‌ندى ل كۆیێ ب دویماهى ئینایه، بۆ خواندنا ئاماده‌یی به‌ره‌ڤ هه‌ولێرێ چوویه، ل سالا 1953 – 1954ێ بۆ تمامكرنا خولا په‌روه‌رده‌یی چوویه به‌غدا، ئێكه‌م جار وه‌كو مامۆستا ل گونده‌كێ گه‌رمیان هاتیه دامه‌زراندن، ل سالا 1962ێ هاتیه گرتن و دو سالان هاتیه زیندانكرن.
عەبدولکەریم شێخانی ئێك ژ وه‌رگێرێن سه‌ره‌كى یێن پرتوكێن قوناغێن خواندنێ یێن ناڤنجى و ئاماده‌یی بوو. نڤیسینێن جودا جودا ل پتریا رۆژنامه و گۆڤارێن كوردى به‌لاڤكرینه وه‌كو چیرۆك و بابه‌تێن (زمان – سیاسی – جڤاكى – رۆشنبیری).
