راپۆرته‌كا ئه‌مریكى: ئیران نێزیكى درو ستكرنا چه‌كێ ئه‌تۆمى بوویه
08/12/2023 - 11:01
بەلاڤ بکە
به‌رپرسه‌كێ ئه‌مریكى راگه‌هاند، ئیرانێ گاڤێن نوى هاڤێتینه و پتر نێزیكى دروستكرنا چه‌كێ ئه‌تۆمى بوویه.
ل گۆره‌ى راپۆرته‌كا رۆژنامه‌یا وول ستریت جۆرنال یا ئه‌مریكى ژ زارێ به‌رپرسه‌كێ ئاگه‌هدار یێ ئه‌مریكى، ئیران ب ره‌نگه‌كێ بله‌ز كار دكه‌ت بۆ چێكرنا چه‌كێ ئه‌تۆمى.
چه‌ندین هه‌یڤن دانوستاندن بۆ زندیكرنا رێككه‌فتنا ئه‌تۆمى یا دگه‌ل ئیرانێ راوه‌ستاینه و ئیداره‌یا سه‌رۆكێ ئه‌مریكا جۆ بایدنى زندیكرنا وێ رێككه‌فتنێ ژ كارنامه‌یا خۆ دویر خستى یه.
ژ ناڤه‌راستا سالا 2018ێ ئه‌مریكا ڤه‌كێشانا خۆ ژ رێككه‌فتنا ئه‌تۆمى یا دگه‌ل ئیرانێ راگه‌هاند كو ل سالا 2015ێ هاتبو ئیمزاكرن و سزایێن نوى بسه‌ر ئیرانێ دا سه‌پاندن.
