بنگه‌هێ ئاسمانیێ ڤۆستۆچنییە ل دویرترین ناوچه‌یا باشۆرێ رۆژهه‌لاتێ رۆسیا دێ شاهده‌یا رویدانه‌كا كیموێنه‌ و هه‌ڤچه‌رخ كه‌ت و پشتى 47 سالان دێ كه‌شتیه‌كا نوى هنێریته‌ سه‌ر هه‌یڤێ بۆ دیتنا ئاڤێ.

 ئەلێکساندەر بلۆشینکۆ رێڤه‌به‌رێ جێبجێكار یێ ئاژانسا رۆسکۆزمۆس راگه‌هاند، پشتى 47 سالان ژ هه‌لدانا كه‌شتیا ئاسمانى ژ لایی رۆسیا ڤه‌ بۆ سه‌ر هه‌یڤێ،  نێزیك دێ كه‌شتیا لۆنا 25 ب مۆشه‌كا پێشكه‌فتى یا سویۆز2 بۆ سه‌ر هه‌یڤێ هێته‌ هنارتن.

بلۆشینکۆ گۆت: چه‌ند ده‌هه‌یه‌كن هه‌یڤ بوویه‌ كێشوه‌ره‌كێ دیێ گۆیا ئه‌ردى و ل گۆره‌ى ستانداردێن ئاسمانى ب سانه‌هى یه‌ مرۆڤ بگه‌هیتێ، چونكى ب كه‌شتیه‌كێ د چه‌ند رۆژان دا مرۆڤ دشێت بچیته‌ سه‌ر هه‌یڤێ.

بڕیاره‌ تا 16 ى ڤێ هه‌یڤێ كه‌شتیا رۆسکۆزمۆس سه‌ر ب ئاژانسا ڤالاتیا ئاسمانى یا رۆسیا بگه‌هیته‌ خولگه‌ها هه‌یڤێ و پشتى 5 بۆ 6 رۆژان ل 21 ڤێ هه‌یڤێ دێ گه‌هیته‌ سه‌ر هه‌یڤێ.

ئارمانجا سه‌ره‌كى یا هه‌لدانا وێ كه‌شتیێ بۆ دیتنا ئاڤێ یه‌ ل جه‌مسه‌رێ هه‌یڤێ پشتى كو ل سالا 2020ێ هه‌بوونا ئاڤێ ل وى جه‌مسه‌رێ هه‌یڤێ هاتیه‌ پشتراستكرن.