وهتسئهپ راپۆرتهكا رۆژنامهیهكا بریتانى ب نهراست لقهلهمددهت
گاڤ
پلاتفۆرما وهتسئهپى رهتكر كو ریكلام د ئهپلیكهیشنێ وهتسئهپى دا بهێنه زێدهكرن و راپۆرتهكا رۆژنامهیهكا بریتانى ل دۆر ڤێ چهندێ ب نهراست لقهلهمدا.
رۆژنامهیا فاینانشیال تایمز یا بریتانى ئاماژه ب وێ چهندێ كربوو كو پلاتفۆرما وهتسئهپى یا كۆمپانیا مێتا ژ بۆ زێدهكرنا داهاتى هزر د زێدهكرنا ریكلامان د ئهپلیكهیشنى دا دكهت، لێ تا نوكه بڕیارا دویماهیێ نههاتیه دان.
ديار ژى كربوو كو ریكلام دێ ل گهل لیستا نامهیان Chats بۆ بكارهینهران دیاربن.
رۆژنامهیێ زێده ژى كربوو "مێتا هزر د وێ چهندێ دا دكهت كو پشكداریا ب پاره بهردهست بكهت ژ بۆ بكارئینانا ئهپلیكهیشنى بێى دیتنا ریكلامان".
وێل كاسكارت سهرۆكێ بجهئینانێ یێ پلاتفۆرما وهتسئهپى ل دۆر ڤێ چهندێ گۆت "راپۆرتا فاینانشیال تایمز نهیا راسته، ئهم ڤێ چهندێ ناكهین".
كۆمپانیا مێتا كو ل وى دهمى ناڤێ وێ فهیسبووك بوو، ل سالا 2014 ئهپلیكهیشنێ وهتسئهپى كڕیبوو.