سه‌در داخوازيه‌كێ ژ گه‌لێن ئیسلامى و عه‌ره‌بى دكه‌ت
بەلاڤ بکە
گاڤ
سه‌رۆكێ ره‌وتێ سه‌در ئه‌ڤرۆ پێنجشه‌مبیێ داخواز ژ گه‌لێن عه‌ره‌بى و ئیسلامى كر كو راوه‌ستیانه‌كا نه‌رازیبوونێ ل سه‌ر سنوورێ ئیسرائیلێ وه‌ك نه‌رازیبوون ل سه‌ر ره‌وشا ل كه‌رتێ غه‌زه ئه‌نجامبده‌ن.
موقته‌دا سه‌در د په‌یڤه‌كێ دا داخواز ژ گه‌لێن ئیسلامى و عه‌ره‌بى و هه‌مى حه‌زژێكه‌رێن ئاشتیێ كر كو خڕڤه‌بوونه‌كا جه‌ماوه‌رى یا ئاشتیانه ل سه‌ر سنوورێ ل گه‌ل ئیسرائیلێ ژ لایێن مسر، سووریا، لوبنان و ئوردنێ ڤه بێى راكرنا چ چه‌كان ئه‌نجامبده‌ن.
سه‌در داخواز كر كو خڕڤه‌بوون به‌رده‌وام بیت تا كو گه‌مارۆ دهێته راكرن هه‌روه‌سا هاریكاریێن پزیشكى و خۆراكى بگه‌هنه باكۆرێ غه‌زه و باشوورێ وێ و گۆت ژى "ئاساییه ئه‌و خڕڤه‌بوویه ژ لایێ لایه‌نه‌كێ سه‌ربخۆ یێ وه‌كى نه‌ته‌وه‌یێن ئێكگرتى ڤه بهێنه پشكنینكرن".
سه‌در ئاماژه ب وێ چه‌ندێ ژى كر كو ئه‌ڤ چالاكیه یا دویره ژ حكومه‌تان و لایه‌نێن له‌شكه‌رى.
