بهنكا ناڤهندى پتر ژ ملیار دۆلاران د حهفتییهكێ دا فرۆشتینه
گاڤ
بهنكا ناڤهندى یا ئیراقی پتر ژ ملیار دۆلاران د حهفتییا بۆرى دا فرۆشتینه و رێژهیا 94% ژێ ب شێوهیێ حهوالهیێن بۆ دهرڤه بۆ پارهداركرنا بازرگانییا دهرهكى بوون.
بهنكا ناڤهندى د ههر پێنج رۆژێن ڤهكرنا مهزادى دا ل حهفتییا بۆرى ملیارهك و 354 ملیۆن و 297 هزار و 9 دۆلار فرۆشتینه، ئهڤ رێژهیه پتر بوو ژ حهفتییا بهرى وێ كو تێدا 553 ملیۆن و 978 هزار و 265 دۆلار فرۆشتبوون.
تێكرایێ رۆژانه یێ فرۆشتنا دۆلارى ژ لایێ بهنكا ناڤهندى ڤه د حهفتییا بۆرى دا 193 ملیۆن و 471 هزار دۆلار بوون.
د حهفتییا بۆرى دا، بهنكا ناڤهندى ل ئێكشهمبیێ پترین رێژهیا دۆلارى فرۆشتبوو كو 283 ملیۆن و 160 هزار و 3 دۆلار بوون و ل چارشهمبیێ كێمترین رێژهیا دۆلارى فرۆشتبوو كو 261 ملیۆن و 374 هزار و 70 دۆلار بوون.
ژ سهرجهمێ دۆلارێ بهنكا ناڤهندى د حهفتییا بۆرى دا فرۆشتى، رێژهیا 94% ژێ كو دبنه ملیارهك و 263 ملیۆن و 772 هزار دۆلار ب شێوهیێ حهوالهیێن بۆ دهرڤه ژ بۆ پارهداركرنا بازرگانییا دهرڤه بوون.
ههروهسا 90 ملیۆن و 525 هزار دۆلار ب شێوهیێ كاش ژ لایێ بهنكا ناڤهندى ڤه د حهفتییا بۆرى دا هاتینه فرۆشتن.